Tədbirlər haqqında məlumat

 31 iyul 2010-cu il tarixdə Mərkəzi Kitabxanada milli mətbuatımızın 135 illiyinə həsr edilmiş “Milli mətbuatımız bu gün” adı altında dəyirmi masa keçirildi.Tədbirdə BDU-nun tələbələri , Bərdə İdarəetmə və texnologiya  Kollecinin tələbələri, müəllimlər fəal oxucular iştirak edirdi. Tədbiri giriş sözü ilə şəhər 28 saylı kitabxananın müdiri X.Məmmədova açdı. O, qeyd etdi ki , 22 iyul Azərbaycan mətbuatının doğum günü tarixə qızıl hərflərlə yazıldı. Azərbaycan xalqının maariflənməsində, intellekt səviyyəsinin yüksəlməsində ilk mətbu orqan olan “Əkinçi”qəzetinin rolu böyük olmuşdur.Tədbrdə BDU-nun Şərqünaslıq fakultəsinin tələbəsi Peykər İbrahimova mətbuatımızda gəncləri ən çox maraqlandıran yazılar haqqında ətraflı danışdı. BDU-nun tələbəsi Nüşabə Əliyeva çıxış edərək “Əkinçi”qəzetinin yaranmasından, mətbuat işçilərinin bu qaynaqlardan qidalanaraq zaman-zaman dünyaya  intiqrasiyasından danışdı.Tələbələrin, idarə və təşkilat nümayəndələrinin  iştirak etdiyi bu  tədbirdə mətbuatda dərc edilən yazıların daha mükəmməl düşünərək mətbuat səhifələrinə çıxarılmasını, ən çox gənclərin həyat tərzindən bəhs edilən yazıların dərc olunmasını daha məqsədə uyğun olduğunu qeyd etdilər.Tədbirdə milli mətbuatımızın tarixini əks etdirən əsərlərdən, dövrü mətbuat nümunələrindən ibarət sərgi təşkil edilmişdir.

 

16. VIII. 2010-cu il tarixdə Bərdə rayon Mərkəzi Kitabxanada Xalq şairi B.Vahabzadənin anadan olmasının 85 illiyi münasibəti ilə “Milli azadlıq və istiqlal şairi” adlı ədəbi-bədii gecə kecirildi.Gecəni giriş sözü ilə kitabxananın müdiri  A.Zülfüqarova açdı. Şairin həyat və yadacılığı haqqında fəal oxucu Günel qasımova geniş çixış etdi. Orta bildirdi ki, B.Vahabzadə poeziyasınin başlıca qayəsi vətəndir.Çıxış ətrafında geniş müzakirələr oldu. Tədbirdə oxuculardan Kərimova Nəsibə, Şahlarzadə Ramal, İbrahimova Peykər və s. şairin şerlərindən söylədilər, şerlərinə həsr olunmuş musigilər səsləndi. Kitabxanada “B.Vahabzadə-85” adlı sərgi Təşkil edilmişdir.Tədbirdə 45 nəfər iştirak etdi.

 

22 iyun 2010-cu il tarixdə Bərdə rayon Mərkəzi Kitabxanasında Xalq şairi Rəsul Rzanın 100 illik yubileyinə həsr edilmiş ədəbi-bədii gecə keçirilmişdir. Gecəni giriş sözü ilə Oxuculara xidmət şöbəsinin müdiri Almaz Zülfüqarova açdı. O, şairin vətənpərvərliyi, dostluğa sadiqliyi, özünə ciddi yanaşmağı haqqında ümumi məlumat verdi. Kitabxananın fəal oxucusu Bərdə İdarəetmə və Texnologiya kollecinin tələbəsi Nəsibə Kərimova şairin həyat və yaradıcılığı haqqında geniş çıxış etdi. 28 saylı Kitabxananın müdiri Xədicə Məmmədova çıxış edərək şairin yaradıcılığındakı fərqli xüsusiyyətlərindən danışdı.Tədbirdə fəal oxuculardan Ülviyyə Veysəlzadə, Zahir Qasımov, Nəsibə Kərimova şairin şerlərindən parçalar söylədilər.Çıxış edənlər şairin o taylı, bu taylı azərbaycanlıların həsrətləri haqqında yazılmış şerlərindən xüsusi söhbət açdılar.Tədbirdə şairin əsərlərindən və onun haqqında yazılmış xatirələrdən, məqalələrdən ibarət geniş sərgi təşkil edilmişdi.Sonda tədbir iştirakçıları sərgi ilə tanış oldular. Tədbirdə 45 nəfər iştirak edirdi.

04.06. 2010-cu il tarixdə Mərkəzi Kitabxanada ekologiya ilinə həsr edilmiş “Təbiəti qoruyaq” adı altında dəyirmi masa kecirilmişdir.Tədbirdə Bərdə Dövlət İdarəetmə və Texnologiya kollecinin tələbələri, Akademik Həsən Əliyev Adına  “Yaşıl Dünya” klubunun üzvləri , Ekologiya informasiya ictimai birliyinin sədri Musa Muradov,  “Aran” QHT-nin nümayəndələri və fəal oxucular iştirak etmişdir.Tədbirdə  Bərdə Dövlət İdarəetmə və Texnologiya kollecinin ekologiya müəllimi, kənd təsərrüfatı elmləri namizədi Xosrov Musayev ekologiya ili ilə əlaqədar geniş məlumat verdi. O, son dövrdə təbiətdə baş verən qlobal istiləşmə, daşqınların və s.  baş verməsində ekoloji tarazlığın pozulması halları ilə əlaqələndirdi. Bunun üçün həyəcan təbilinin çalınmasının, yaşıllıqların, meşələrin qorunub saxlanmasının və bu işdə gənclərin daha yaxından iştirakını zəruri saydı.“Yaşıl Dünya” birliyinin sədri Etibar Həsənli  çıxış edərək ölkəmizin bütün bölgələrində abadlıq, yaşıllaşdırma işlərinin aparılmasından və bu sırada Bərdə rayonunda da aparılan işlərdən danışdı və bu işdə bütün gəncləri  fəal iştirak etməyə çağırdı.Taleh Şahsuvarov çıxış edərək işlədiyi layihələrdən danışdı və bunun səmərə verəcəyini qeyd etdi.Sonda MKS-nin direktoru H.Mirzəyeva çıxış edərək belə tədbirlərin çox böyük əhəmiyyəti olduğunu qeyd etdi. Kitabxana oxuculara hər sahədə olduğu kimi ekologiya sahəsində də informasiyanın catdırılmasında  mühüm rol oynayır.

25.05.2010-cu il tarixdə Mərkəzi kitabxana H.Əliyev  muzeyinin qarşısında “Kitab  bayramı ”  keçirmişdir.Tədbirdə rayon İcra Hakimiyyətinin başçısı İ.Ağayev, icra aparatının nümayəndələri ,  idarə və təşkilatların nümayəndələri, ziyalıları, məktəblilər və çox saylı əhali iştirak edirdi. Tədbirdə müxtəlif mövzulara aid  kitab sərgiləri təşkil edilmişdi.

08.05.2010-cu il tarixdə A. Səhhət  adına Uşaq  kitabxanasında Böyük  Vətən  müharibəsində  qələbənin 65-ci ildönümü münasibətilə müharibə  veteranları ilə görüş keçirildi.Görüşdə veteranlardan  Tahirov Cəlil,  Aslanov  Hüseyn,  Əhmədov  Musa, Yarməmməd  İsmayılov, Hüseynov  Hüseyn, Əsədov  Səlim, iştirak etdilər.Tədbiri  kitabxananın  işçisi  H. Qəmbərova  açdı. O, Böyük  Vətən müharibəsi haqqında ətraflı  məlumat verdi. Sonra  kitbxananın işçisi  A. Süleymanova  Böyük  Vətən  müharibəsində  Azərbycanın rolu  mövzusunda  tədbir  iştirakçılarına geniş məlumat  verdi.Veteranlar keçdikləri döyüş yolları haqqında tədbir iştirakçılarına  danışdılar, oxuculara  öz  tövsiyyələrini verdilər. Şəhər 8 saylı,  Z. Əliyeva  adına məktəbin şagirdləri veteranları  qələbə günü  münasibətilə təbrik etdilər. Tədbirdə 70 nəfər iştirak edirdi.

05.05 2010-cu il tarixdə Mərkəzi kitabxanada yazıçı, publisist, millət vəkili Elmira Axundovanın 4 cildlik  “Heydər Əliyev.Şəxsiyyət və Zaman  ”   kitabının təqdimat mərasimi keçirildi.

         Mərasimdə  fəal oxucularla bərabər Bərdə rayon İcra Hakimiyyətinin və İctimai təşkilatların nümayəndələri iştirak etdi.

 Tədbir iştirakçıları  belə bir kitaba görə müəllif Elmira Axundovaya öz minnətdarlıqlarını ifadə etdilər.

Tədbirdə 42 nəfər iştirak etdi.

03.05.2010-cu il tarixdə Bərdə rayon Mərkəzi kitabxanasında Qələbənin 65 illiyi ilə əlaqədar H.Abbaszadənin general Həzi Aslanova  həsr edilmiş “General” kitabının müzakirəsi keçirildi. Müzakirədə Bərdə İdarəetmə Kollecinin tələbələri R.Zahir, F.Davud, D.Samir, V.Ülviyyə və fəal oxuculardan  M.Xədicə, K.Nəsibə, R. Vüqar və başqaları iştirak etdi.

       Müzakirədə 35 nəfər iştirak edirdi.

16.04.2010-cu il tarixdə Mərkəzi Kitabxanada “Ekoloji problemlər” adlı dəyirmi masa keçirilmişdir. Ölkə prezidenti İlham Əliyevin sərəncamı ilə 2010-cu ilin “Ekologiya İli” elan edilməsi ilə əlaqədar MKS-də vaxtaşırı tədbirlər təşkil edilir. Tədbirdə Bərdə şəhər İdarəetmə və Texnologiya kollecinin müəllim və tələbələri, “Ekoloji informasiya” İctimai Birliyinin üzvləri iştirak etmişdir. Tədbirdə “Ekoloji informasiya” İctimai Birliyinin regionlarda “Ekoloji informasiyalaşdırma kompaniyasının təşkili" layihəsinin rəhbəri Taleh Şahsuvarlı, birliyin sədr müavini kənd təsərrüfatı elmləri namizədi Xosrov Musayev, “Ekoloji informasiya” İB layihə kordinatoru Emin Əliyev, 28 saylı şəhər kitabxanasının müdiri Xədicə Məmmədova çıxış edərək rayonda ekoloji propblemlərin həllində yaxından iştirak etməyin vacibliyindən danışdılar.
“Yaşıl dünya” tələbə birliyinin üzvləri Etibar həsənli, Orxan Şirinli, Fəridə Məmmədova, Hicran Hüseynova və başqaları çıxış edərək rayonda yaşıllaşdırma işlərinin sürətləndirilməsinin vacibliyini qeyd etdilər, bu sahədə bu birliyin gördüyü işlər haqqında məlumat verdilər. Kitabxanada mövzuya dair sərgi təşkil edilmişdi.
 

15.04.2010 cu il tarixdə Mərkəzi kitabxanada YAP Bərdə rayon təşkilatı ilə birlikdə “Erkən nigah və ailələrin dağılması”  adlı tədbir keçirilmişdir.Tədbirdə rayonun  müxtəlif idarə və təşkilatlarının nümayəndələri, orta məktəblərin müəllim və şagirdləri, tələbələr iştirak etdi.

            Tədbiri giriş sözü ilə YAP Bərdə rayon şöbəsi Gadınlar Şurasının sədri Xuraman Qurbanova açdı. O, son zamanlarda ölkəmizdə azyaşlı qızların məktəbdən valideyinləri tərəfindən zorla ayrıldığını, erkən nigaha daxil edildiyini və bunun sonradan ciddi fəsadlar törətdiyini qeyd etdi.

Həkim-ginekoloq Yeganə Abdullayeva erkən nigahın qızlarımıza tibbi cəhətdən də çox pis təsir etdiyini, həmçinin bunun sonsuzluqla nəticələndiyini qeyd etdi.

            Rayon VVAQ şöbəsinin müdiri Səmayə Mehdiyeva erkən nigahların daha çox boşanma ilə nəticələndiyini qeyd etdi və bunun qarşısının alınmasının vacibliyini göstərdi.       

            Tədbirdə 2 sayli orta  məktəbin direktoru Pakizə Muxtarova, 5 saylı orta məktəbin direktor müavini Ofeliya Rüstəmova və gənclər çıxış edərək mövzuya münasibət bildirdilər.

            Tədbirdə həmcinin rayon prokurorluğunun və rayonun dini idarəsinin nümayəndələri də iştirak etmiş və qeyd etmişlər ki, erkən nigah, nigahdan kənar ailələrin problemləri həm dinimizə, həm də ümumiyyətlə insan psixologiyasına zərər gətirir. Bundan başqa erkən nigaha girən qızların ailələrində çox zaman mübahisələr yaranır və sonda məhkəmələrə müraciət etmək zərurəti yaranır. Buna görə də həm məktəblərdə, həm ailələrdə həm də ümumuiyyətlə cəmiyyətdə bu hallara son qoymaq zamanı gəlib çatmışdır.

    

16.03.2010-cu il tarixdə Bərdə rayon A.Səhhət adına Uşaq Kitabxanasında “Milli-mənəvi dəyərlərimiz” mövzusunda Novruz bayramına həsr olunmuş tədbir kecirilmişdi.Tədbirdə kitabxananın işçisi A.Süleymanova milli-mənəvi dəyərlərimiz barədə iştirakçılara ətraflı məlumat verdi. MKS-nin metodisti H.Qəmbərova çıxış edərək çərşənbələrin nəyə görə su, od, yel və torpaq adlandırıldığı haqqinda danışdı. Məktəblilərin ifasında Novruza həsr edilmiş şerlər, rəqslər  Novruzun atributu olan kosa və keçəlin maraqlı çıxışları oldu.

15.03.2010-cu il tarixdə Mərkəzi kitabxanada  “Milli-mənəvi dəyərlərimizin qorunub saxlanmasında qadınların  rolu” adı altında dəyirmi masa keşirilmişdir.

Tədbirdə rayonun ictimai həyatında yaxından iştirak edən qadınlar, Yap qadınlar şurasının sədri X.Qurbanova , rayon qadınlar şurasının sədri R.Babayeva, “Bərdə” qəzetinin şöbə müdiri Ş.Əliyeva, rayon Gənclər və İdman idarəsinin baş məsləhətçisi A.Qasımov və başqaları iştirak etdilər.

Çıxış edənlər müasir şəraitdə ictimai həyatda qadınların oynadıqları roldan danışdılar. Qadınların gənc nəslin təlim-tərbiyəsində xüsusi olaraq məsuliyyət daşıdıqlarını qeyd etdilər.

MKS-nin direktoru H.Mirzəyeva çıxış edərək qeyd etdi ki, yeni ailə quranlarda boşanmaların səbəbini axtarmaq lazımdır. Mənə elə gəlir ki, gənclərin dünyagörüşünün məhdud olması buna gətirib çıxarır. Bunun da əsas səbəbi gənclərin kitab oxumamasındadır. Hamımıza məlumdur ki, müasir informasiya texnologiyaları kitabların insanlara verdiyi mənəvi zövqü və həyatı olduğu kimi çatdıra bilməz. Biz çalışmalıyıq ki, gəncləırimiz daha çox kitab oxusunlar.

Rayon qadınlar şurasının sədri R.Babayeva çıxış edərək tarixdə qadınların ictimai həyatda oynadığı roldan danışdı. Dəyirmi masa arxasında maraqlı fikirlər söylənildi.

05.03.2010-cu il tarxidə 28№-li Gənclər Kitabxabxanasında 8 Mart Beynəxalq  Qadınlar gününə  həsr edilmiş “Anlara  məhəbbət ”adı altında tədbir keçirlmişdir.

Tədbiri 28 № Gənclər kitabxanasının  müdiri X.Məmmədova açaraq  qadınların  həyatda  və cəmiyyətdə rolundan danışdı. Kitabxanaçı G.Vəliyeva  çıxış edərək gənclər  anaların müqəddəsliyindən  danışdı   və qeyd etdi ki, Peyğəmbər Əleyhissalam  “Çəmmək anaların  ayaqları  altındadır” kəlamın  xatırlatdı.

Tədbirdə fəal axuculardan  Şəbnəm Rəhimova, Günel Baxşəliyeva, Günel Alıyeva  analara həsr edilmiş  şerlər söylədirlər.

24  fevral  2010-cu il tarixdə  Bərdə   rayonu  Abbas Səhhət adına  Uşaq kitabxanasında Xocalı  soyqırımının 18-ci ildönümü  münasibətilə  “Əsrin  Xocalı  faciəsi”  adı  altında  oxucu konfransı keçirildi.

         Tədbirdə oxuculara Xocalı faciəsi barədə geniş məlumat  verildi. Qeyd edildi  ki,  bəşər tarixi bir cox  faciənin şahidi olmuşdur. Azərbaycanlıların ermənilər  tərəfindən  soyqırımı,  1948-1952- ci lllərdə soydaşlarımızın  doğma torpaqlarından  deportasiya  edilməsi,  20 Yanvar   və  Xocalı  soyqırımı da  məhz  belə  faciələrdən biridir.  Bu hadisə  Azərbaycan   Respublikası  1991-ci ilin  oktyabr  ayında  tarixi  dövlət  müstəqilliyini  bərpa  etdikdən  sonra baş  verdiyi  xüsusilə  qeyd  edildi.  Bu  Azərbaycanın  Dövlət  Müstəqilliyinə və ərazi  bütövlüyünə  qarşı  çevrilmiş terror  siyasətinin  təzahürü,  bütövlükdə  insanlıq  əleyhinə  törədilmiş  qəddar  cinayət  aktı idi.   Tədbirdə  oxucularla bərabər  Gənclər  və  idman  idarəsinin baş  məsləhətçisi A. Qasımov, şəhər 1 saylı, 2 saylı,  5 saylı, 8 saylı, məktəblərin müəllim və şagirdləri daha fəal iştirak etdilər.

         Bu  məqsədlə kitabxanada  “Xocalı  faciəsi”   adı  altında  sərgi təşkil edilmişdi. Sərgidə  milli  qəhrəmanlarımız,  Xocalıda  həlak olan əhalinin siyahısı və  Xocalı  soyqırımına  həsr edilmiş materiallar öz əksini tapmışdı. Sonda  fəal oxucuların ifasında Xocalıya həsr edilmiş ədəbi-bədii kompozisiya  təqdim olundu.

         Oxucular  bu faciənin heç vaxt unudulmayacağı,  torpaqlarımızın mənfur  erməni işğalçılarından azad olunacağı  barədə  nikbin fikirlər söylədilər. Vətənə borclarını yaxşı təhsil almalarında və vətənə layiqli övlad kimi yetişməkdə gördülər.

 

25 fevral 2010-cu il tarixdə Bərdə rayon Mərkəzi kitabxanasında 26 fevral Xocalı faciəsinə həsr edilmiş dəyirmi masa keçirildi.

  Tədbirdə fəal oxucularla yanaşı Bərdə rayon Şəhid ailələri və Qarabağ əlilləri cəmiyyətinin sədri Etibar Hüseynova, rayon icra hakimiyyətinin məsul işçisi Yusif Yusifzadə, Uşaq incəsənət məktəbinin direktoru Cəmilə Orucova, “Bərdə qəzeti”nin şöbə müdiri Şükufə Əliyeva, 105 № li texniki peşə litseyinin müəllimi Seyfəddin Abdullayev, YAP Bərdə rayon təşkilatının nümayəndəsi Nurayə Məmmədova, Mədəniyyət və Turizm şöbəsinin inspektoru Validə Nabatova və başqaları iştirak etdi.

            Tədbiri MKSinin direktoru H.Mirzəyeva  açdı. O, Xocalı faciəsindən 18 il keçdiyini və bu müddət ərzində faciənin Beynəlxalq miqyasda taninması üçün dövlət qurumlarının eləcədə ictimai qurumların bu sahədə apardığı işlərdən danışdı.

            Şəhid ailələri və Qarabağ əlilləri cəmiyyətinin sədri E.Hüseynova çıxış edərək Xocalı əhalisinin başına gələnlərdən danışdı və əlavə etdi ki, gələcəkdə belə bəlaların başımıza gəlməməsi üçün dövlət müstəqilliyimizin qorunub saxlanmasında hər birimiz bir vətəndaş kimi öz üzərimizə düşən işləri həyata keçirməliyik.

            105 saylı texniki peşə litseyinin müəllimi Qarabağın tarixindən danışdı,  ermənilərin təkcə əhaliyə qarşı deyil, həmçinin tarixi-mədəni abidələrimizi də terrora məruz qoyduqlarını qeyd etdi.

            Rayon icra hakimiyyətinin məsul işçisi Yusif Yusifzadə də ölkədə Xocalı soyqirimı ilə əlaqədar görülən işlərdən danışdı.

            Uşaq incəsənət məktəbinin direktoru Cəmilə Orucova  erməni xislətindən, onların məkirli siyasətindən danışdı.

            “Bərdə qəzeti” nin şöbə müdiri Şükufə Əliyeva Gələcəkdə unutqanlığa yol verilməsin deyə ailədə, məktəbdə və digər yerlərdə uşaq və gənclərimizə tariximizi daha məsuliyyətlə öyrətməyin vacibliyini qeyd etdi.

            Rayon Mədəniyyət və Turizm şöbəsinin inspektoru Validə Nabatova da çıxış edərək xalqimizın birliyinin vacibliyini qeyd etdi.

            Sonda iştirakçılar kitabxanada təşkil edilən “Xocalı faciəsi” adlı kitab sərgisinə baxdılar

 

Cari ilin 16 yanvar tarixində Bərdə rayonu Mərkəzi Kitabxanasında orduya çağırış yaşlı gənclərlə vətənpərvərlik mövzusuna həsr edilmiş “ Vətənimiz-Azərbaycandır” adı altında dəyirmi masa keçirildi.
            Tədbiri giriş sözü ilə Oxuculara xidmət şöbəsinin müdiri Almaz Zülfüqarova açaraq vətənimiz Azərbaycanın tarixi keçmişi haqda qısa məlumat verdi. Bundan sonra kitabxananın fəal oxucusu 105 saylı Peşə təhsili litseyinin müəllimi Seyfəddin Abdullayev çıxış edərək gənclərə vətən yolunda canlarından keçməyi deyil, öz işi ilə əməli ilə vətənin güclənməsinə xidmət edən hər bir insanın vətənpərvər olmağı, yeri gələndə igid oğullarımız kimi canlarından keçməyi, işğal altında olan torpaqlarımızın hansı yolla olursa olsun geri qaytarılacağından danışdı.
            Fəal oxucu rayon Mədəniyyət sarayının direktoru Musa Muradov öz çıxışında keçmişimizə qayıdaraq onların yolunu gənclərimizə örnək göstərdi. Vətənimizin övladlarının elm, siyasət, qəhrəmanlıq uğrunda gördüyü işlərdən, göstərdikləri qəhrəmanlıqlardan danışdı.
            Tədbirdə 28 saylı şəhər kiatabxanasının müdiri Xədicə Məmmədova, Gülayə Vəliyeva, kitabxanaçılardan Humay Qəmbərova çıxış edərək vətənimizin igid övladlarının şücaətindən, onların keçdiyi döyüş yollarından, ən böyük vətənpərvər Ümummilli Lider H.Əliyevin Azərbaycanımız uğrunda gördüyü işlər haqqında söhbət açdılar.
            Tədbiri 8 saylı orta məktəbin X-XI sinif şagirdlərinin ifasında vətənpərvər ruhlu şerlər söyləməklə yekunlaşdırdılar.
            Sonda Mərkəzləşmiş Kitabxana Sisteminin direktoru Havva Mirzəyeva tədbir iştirakçılarına öz təşəkkürünü bildirərək onlara kitabxana haqqinda geniş məlumat verdi.
            Kitabxanada vətənpərvərlik mövzusuna həsr edilmiş sərgi təşkil edilmişdi.

            Müasir dövrümüzdə ən aktual problemlərdən biri vətənpərvərlik tərbiyyəsidir. Vətənpərvərlik hissi insanları vətən yolunda misilsiz qəhrəmanlığa və fədakarlığa ruhlandırır, yüksək vətəndaşlıq, namus, qeyrət, cətin anda cəsarət, əyilməzlik, döyüşkənlik, məğrurluq hissi aşılayır.
            Məktəblilərdə vətənpərvərlik tərbiyyəsini formalaşdırmaq üçün kitabxanada bir sıra tədbirlər keçirilmişdir.
            08.01.2010-cu il tarixdə Abbas Səhhət adına uşaq kitabxanasında 20 yanvar faciəsinə həsr olunmuş “Şəhidlər ölmür” başlığı altında oxucu konfransı keçerildi.
            Tədbiri kitabxananın ışçisi Aygün Süleymanova açdı. Tədbir Azərbaycanın Dövlət Himninin səslənməsi ilə başladı. Sonra söz kitabxaxanın biblioqrafı Səiyyə Məhərrəmovaya verildi. O, xalqımızın başına gələn faciələrdən, şəhidlərimizin qəhrəmanlıqlarından söhbət açdı.
            Tədbirdə Z.Əliyeva adına, şəhər 2 saylı, 5 saylı orta məktəblərin müəllim və şagirdləri iştirak etdilər. Şagirdlərdən Cəlal Əliyev, Əli Kərimov, Nərmim Məmmədova , Ağamövsüm Əliyev və başqalarının ifasinda vətənə, şəhidlərə həsr edilmiş şerlər, bayatılar səsləndi.
            Məktəblilərin ifasında Ə.Səmədlinin “Bir parca torpaq” hekayəsi üzrə hazırlanmış səhnəcik təqdim olundu.
            Tədbirdə Şəhidlərə həsr edilmiş məktəblilərin rəsm əsərləri nümayiş olundu.
            Tədbir “Əsgər marşı” sədaları altında sona çatdı.
            Tədbirdə 60 nəfər iştirak etdi.